Шинэ жил

Олон хоногийн өнмөөс
Оноо яаж угтах вэ гэж
Ярилцаж хэлцэж явсаар
Яг өмнөхөн нь яаравчлав
Бүжгийн шалгаруулалт болж
Бүх хүн хамрагдав
Эр эм хүмүүс бүгд
Этгээд хачин хөдөлгөөн хийв
Тэнцэх хэсэгийг нь ялгав
Тэгээд заримыг нь хасав
Үегүй мэт намилзсан нь
Үдэшлэгт бүжиглэх юм гэнэ
Хөшүүн биетэй мань мэт нь
Хөшигний цаана үлдэв.
Бүжгийн шалгагч багш
Бүдүүн Төрөөг урив.
Хүүе Төрөө баллаж байна гэж
Хүн бүхэн гайхав
Бүжигт авьяастайг нь хараад
Бүгд л түүнд талархав
Аливаа баярт орох гоё ч
Ар өврийх нь ажил
Маш их байдагийг
Манайхан биеэрээ мэдрэв
Заалыг чимэглэх гоёл
За тэгээд гацуур
Дуулж шүлэглэх номер
Дундуур нь хэлэх үг
Сэтгэл сэргээх вальс
Шинэ оны мэндчилгээ
Хүмүүст өгөх зоог
Хүрэлцээтэй бүхнийг бэлдэх гэж
Арын албаны хүмүүс
Арай л ядаргаанд орсонгүй
Унталгүй бэлдэж хоноод
Ургах нарнаас өмнөхөн
Хагас унтаж байхад
Халамцуу нэгэн ирэв
Архинд нэвчсэн тэрээр
Ар өврөөр явж
Зүүд нойрон дунд
Зөндөө олныг чалчив
Та нарыг л зорьж ирэв гэж
Тавлаж ярих тэрээр
Ашгүй нэг дуг хийж
Амар тайван байлгав
Өглөө дэлгүүр онгоймогц
Өчнөөн зүйл авахаар
Арав орчим хүн
Ар араасаа цуван
Хомплас гэх дэлгүүрийг
Хоослох шахан гарав
Өөрсдийгөө зөнд нь хаясан
Өрвийсөн хэдэн хүн
Ус цасанд орж
Урт үсээ тайруулахаар
Цаг нартай уралдан
Цааш нааш гүйлдэв
Гэрт ирсэн бүсгүйчүүл
Гэзэг үсээ норгоод
Хатаагүй шахам гарч
Харайлгаж сүм дээр ирэв
Цуглааний ажиллагаа дуусмагц
Цувж хүмүүс нэмэгдсээр
Шинэ жил яг эхлэх гээд
Шилмэл бүжигчид жагстал
Толгойн хэсэгт гарах
Том хүү алга байв
Яаран сандран гартал
Яг замийн цаахна
Хэсэг нөхдүүдтэй нийлчихсэн
Хэвийн бус байж байв
Архи сэнгэнүүлсэн тэрээр
Араас минь даган орж
Анхны бүжгэндээр факталж
Ахиад эхэлж харагдав
Түүнээс цааших нь сайхан болсон
Түүж шилж аваагүй ч гэлээ
Сэтгэл шингэсэн хамт олны
Сэдэж хийсэн бүх зүйл
Ирсэн зочиж гийчдэд
Илтэд таалагдаж байсан
Харийн нутагт ажиллаж сурч
Хал үзэж буй Монголчууд маань
Нэгэн оройг цэнгэн өнгөрөөснийг
Нэмж хачирлалгүй бичив ээ

Пухан Монгол Чуулганы итгэгч Батмөнх